Love Poems - kaise rokenge hum

mana ki ankh mein ashq nahi hai mere,
Dil ko magar tadapne se kaise rokenge hum,
Jaan hai meri salamat, jab tak tu hai mere sang,
Jaane se magar tujhko kaise rokenge hum.

hai jaan meri tumse,hai saans meri tumse,
Is dharkan ko dhadakne se kaise rokenge hum,
mana ki mumkin nahi ki tu meri zindagi me aye,
Tujhko magar jane se kaise rokenge hum.

Tujhse hi duniya meri, Tujhse hai mera jahan,
Tum ho agar sath to chu lun main yeh aasmaan,
Mana ki par nahi hai paas udhne ke liye,
Fir bhi aasma ko chune se kaise rokenge hum.

Hai tu mere paas to hai har khushi hasil,
Tere bina gam ko aane se kaise rokenge hum,
Arzoo hai ki jee lun do pal ki zindagi aur,
Par is maut ko aane se kaise rokenge hum.

Bas gayi hai tu dil me is kadar,
ki tujhe dusre ka hath thamne se kaise rokenge hum,
hai dil ki aarzu ki puri ho teri har tamanna,
Par apni tamannao ko jane se kaise rokenge hum.

Agar aa jaye hume maut to na ho tujhe khabar,
Par tujhe apne janaze mein aane se kaise rokenge hum,
Hai dil ki yeh arzu ki tu rahe sath mere akhiri saans mein,
Par tere na aane tak us saans ko kaise rokenge hum.

-----Shalom Simon---